ហោរាសាស្ត្រប្រចាំថ្ងៃ

ឆ្នាំជូតពង្សទេព្តាប្រុស ធាតុទឹក

រាសីស្រុតចុះ ។ នៅថ្ងៃនេះ ការប្រកបការងារអ្វីក៏ដោយលោកអ្នក តែងជួបបញ្ហាបន្ដិចបន្ដួចចូលយាយី នាំជួបការលំបាក ។ សម្រាប់អ្នកប្រកប របររកស៊ីជួញដូរវិញ លោកអ្នកជួប រឿងខ្វាយខ្វល់ច្រើន ព្រោះតែការធ្វើ ជំនួញទីជិតឆ្ងាយមិនសមដូចប្រកបទេ តែងមានរឿងរកាំចិត្ដច្រើន ។ការធ្វើដំណើរទីជិតឆ្ងាយ ចូរប្រយ័ត្នក្រុម មនុស្សបៀតបៀនយាយីដោយប្រការ ណាមួយ។
រីឯបញ្ហាស្នេហាប្រុសស្រីមាន ការរកាំចិត្ដនិងពាក់មុខយក្សដាក់គ្នាមិន តិចដែរទេ ៕

ទំនាយឆ្នាំកំណើត

ឆ្នាំជូត (កណ្ដុរ) ពង្សទេវតាប្រុស ត្រូវកាលនាយសារថី នាំយកព្រះតេមិយ ជាមនុស្ស គ ទៅកប់ ។ឆ្នាំជូត កាលនៅពីតូច អភ័ព្វ ពំនាក់អាស្រ័យនឹងញាតិកា មិនបាន បើអ្នកដទៃទើបពឹងបាន ដល់មកគ្រាក្រោយ នឹងមានបុណ្យវាសនា ធ្វើរាជការ យកអាសាចៅហ្វាយនាយ នឹងបានជា ឃុននាងចូលចិត្ត ជេរកូនប្រពន្ធ និងបរិភោគវត្ថុណាដែល ជាសត្រូវដល់ខ្លួនស្រឡាញ់តែទ្រព្យសម្បត្តិរបស់ខ្លួន ស្រឡាញ់រាប់អានសមណព្រាហ្មណ៍ ដាក់ទានដល់មនុស្សទីទ័លក្រ ។ បើ ស្ត្រីវិញ នឹងបានកូន ២ នាក់ ជាទីពឹង ពំនាក់អាស្រ័យ។ អាយុបាន ១ ឆ្នាំ បីបាច់ថែរក្សាលំបាកណាស់ ព្រោះមានរោគច្រើន។ អាយុបាន ១៥ ឆ្នាំ ត្រូវចេញពីលំនៅ ទៅនៅទីដទៃ ទើបមានលាភ។

អាយុ ១១ _១២ _១៣ នឹងមានគ្រោះកាចម្ដង ប្រស្រ័យនឹងអ្នកធំបានល្អ ។ ព្រះអង្គា ជាចិត្ត ចិត្តនោះច្រើនតែឃ្លេង ឃ្លោងមិននឹងធឹង ចូលចិត្តរៀនចំណេះវិជ្ជា ការចេះដឹង មធ្យមល្មមចិញ្ចឹមខ្លួនបាន ។ ព្រះព្រហស្បត្តិ ជាអាសន៍ មានតណ្ហានឹងរាគ ច្រើន ។ ព្រះចន្ទ្រនិងព្រះពុធជាដៃ ធ្វើការងារច្រើនតែមិនសំរេចប្រយោជន៍ តែមានសេចក្ដីឧស្សាហ៍ ។ ព្រះសុខនិងព្រះសៅរ៍ ជាជើងច្រើនតែជាមនុស្ស ចូល ចិត្តដើរ ។

ឆ្នាំជូត អ្នកមានកំណើតក្នុងៈ